“Qarabağ” futbolçusu Riçard Almeyda ilə müqaviləni yeniləyib.

KONKRET.az xəbər verir ki, bu barədə klubun mətbuat xidməti məlumat yayıb. Ağdam klubu 35 yaşlı yarımmüdafiəçi ilə müqaviləni daha bir il müddətinə uzadıb.

Riçardın yeni müqaviləsi 2025-ci ilin yayına qədər nəzərdə tutulub. O, “Qarabağ”da 9 dəfə Azərbaycan çempionu, 5 dəfə ölkə kubokunun qalibi olub. Riçard bu müddətdə Premyer Liqada 238 oyunda 46 qol vurub.