AZAL-ın İstanbul-Bakı marşrutu üzrə hərəkət etməli olan təyyarəsində hələ də texniki problem davam edir.
KONKRET.az xəbər verir ki, bu barədə jurnalist Aygün Muradxanlı feysbuk səhifəsində yazıb:
“AZAL-ın 12.20-də İstanbul-Bakı marşrutu üzrə hərəkət etməli olan uçağında texniki problem yarandığı üçün uçuş 7 saatdır gecikir. 10 saata yaxındır sərnişinlər İstanbul Hava Limanındadırlar. Tranzit uçanlar daha çox. Hamı əldən düşüb. AZAL deyir, düzəlməsə, Bakıdan yeni uçaq göndəriləcək. 7 saat düzəlməmək üçün bəs deyil?”
16:55
“Azərbaycan Hava Yolları” QSC-nin (AZAL) bu gün həyata keçirilməli olan İstanbul-Bakı (J2-076) reysi gecikir.
Bu barədə KONKRET.az-a AZAL-dan bildirilib.
Məlumata görə, buna səbəb təyyarənin kondisioner sistemi ilə bağlı yaranmış problemdir.
Sərnişinləri aviaşirkətin qaydalarına uyğun olaraq lazımi əşyalarla təmin olunacaqlar.