Əvvəllər Türkiyə və Prezident Rəcəb Tayyib Ərdoğan əleyhinə açıqlama verən Birləşmiş Ərəb Əmirlikləri (BƏƏ) Xarici işlər naziri Ənvər Qarqaşdan təəccüblü açıqlama gəlib.
KONKRET.az xəbər verir ki, ölkənin baş diplomatı BƏƏ-nin Yaxın Şərqdə Türkiyənin bir nömrəli ticarət tərəfdaşı olduğunu deyib.
“BƏƏ Türkiyənin Yaxın Şərqdə bir nömrəli ticarət tərəfdaşıdır. Türkiyə ilə problem yaşamağımızdan məmnun deyilik”, – Qarqaş bildirib.
Nazir qeyd edib ki, BƏƏ-nin Türkiyə ilə əsas problemi ikincinin ərəb ölkələri hesabına bölgədə nüfuzunu artırmaq istəyidir.
Ənvər Qarqaş ölkəsinin Türkiyə ilə normal münasibətləri davam etdirmək niyyətində olduğunu bildirib.