Rusiyanın Qərbi təhdid etməsinə baxmayaraq, Britaniya ilk uzaqmənzilli raketləri Ukraynaya göndərəcək.

KONKRET.az xarici mediaya istinadən xəbər verir ki, bu barədə Britaniyanın Müdafiə naziri Ben Uolles deyib.

O bildirib ki, “M270” reaktiv yaylım atəşi sistemi Ukraynaya özünü Rusiyadan müdafiə etmək üçün verilib.

Böyük Britaniya hökuməti neçə silah göndəriləcəyini təsdiqləməyib, lakin BBC-dəki xəbərə görə, ilkin olaraq üç silah göndəriləcək.

Böyük Britaniya hökuməti bildirib ki, Ukrayna hərbçilərinə qarşıdakı həftələrdə Böyük Britaniyada buraxılış qurğularından istifadə qaydaları öyrədiləcək.

İqbal Rzayev,

KONKRET.az