Çexiyada çərşənbə günü 19 koronavirus xəstəsi ölüb ki, bu da ölkədə pandemiya dövründə gündəlik ölümün ən yüksək göstəricisi olub.
“Rosbalt.ru”-nun yazdığına görə, bu barədə ölkənin Səhiyyə Nazirliyi məlumat yayıb.
Belə ki, avqustun sonları ilə müqayisədə ölkədə ağır xəstələrin sayı beş dəfə – 120 nəfərə qədər artıb. Ümumilikdə 28 933 nəfər koronavirus infeksiyasına yoluxub ki, onlardan da 670 nəfəri xəstəxanaya yerləşdirilib. Pandemiya ilə bağlı ölüm hallarının ümumi sayı 567 nəfərdir.