Çin Xalq Respublikasının Sədri Si Cinpin Şanxay Əməkdaşlıq Təşkilatının sammitində iştirak edəcək.

KONKRET.az xarici mediaya istinadən xəbər verir ki, koronavirus epidemiyasının ilk aylarından səfərə getməyən Si, 3 ildən sonra ilk dəfə xarici ölkələrə gedəcək.

Çin Sədri sentyabrın 14-də Qazaxıstana, daha sonra isə Şanxay Əməkdaşlıq Təşkilatının (ŞƏT) sammitində iştirak etmək üçün Özbəkistana gedəcək.

Çin Xarici İşlər Nazirliyindən verilən açıqlamada bildirilib ki, Si Cinpin qazaxıstanlı həmkarı Kasım-Jomart Tokayev və Özbəkistan Prezidenti Şavkat Mirziyoyevin dəvəti ilə bu iki ölkəyə rəsmi səfər edəcək.

Qeyd edək ki, Çin Prezidenti Myanmaya sonuncu rəsmi səfərini 2020-ci ilin yanvarında edib.

İqbal Rzayev,

KONKRET.az