Çində qovrulmuş daş yeməyinin görüntüləri sosial şəbəkələrdə yayılıb.

KONKRET.az xarici mediaya istinadən xəbər verir ki, qeyri-adi yeməyin hazırlanması videosu milyonlarla baxış toplayıb.

Hərfi mənada “əmmək və tüpürmək” mənasını verən “suodiu” adlı yeməyə demək olar ki, Çində bütün küçə satıcılarında rast gəlmək olar.

Belə ki, çınqıllar müxtəlif ədviyyatlar və souslarla qızardılır. Yemək zamanı isə hazır daşlar sorulur, dadını itirəndə isə tüpürülür.

Qeyd olunub ki, bir xidmətin qiyməti təxminən iki ABŞ dollarıdır.

Məlumata görə, qeyri-adi yeməyin bir neçə yüz yaşı var, lakin indi sosial şəbəkələr sayəsində geniş populyarlıq qazanıb.

World’s hardest dish? Stir-fried stones are China’s latest street food fad https://t.co/0Iu5Naegzm pic.twitter.com/69VWHuTrZe

— CNN International (@cnni) June 25, 2023

İqbal Rzayev,

KONKRET.az