Ukrayna Milli Təhlükəsizlik və Müdafiə Şurasının katibi Danilov Rusiyanı işğalla hədələyib.

KONKRET.az xəbər verir ki, bu barədə Ukrayna Milli Təhlükəsizlik və Müdafiə Şurasının (MTŞ) katibi Oleksiy Danilov martın 7-də Facebook səhifəsində yazıb.

O, Rusiya hərbçilərinin ölkəsinə gəldiyini, ukraynalıların da Rusiyaya gələcəyini bildirib.
Danilov qeyd edib ki, Ukrayna ilə döyüşmək qeyri-mümkündür, çünki onun xalqı “minlərlə qeyri-insani sınaqlardan keçib, birdən çox imperiyanı məğlub edib və bundan sonra daha da güclənib və daha möhkəm olub.  İndi də belə olacaq”, -deyə Danilov söz verib.

Onun sözlərinə görə, onlarda əmr verənlərin və onları icra edənlərin siyahıları var.

“Siz bizim torpaqlarımıza və ailələrimizə soxuldunuz, biz də sizə gələcəyik”, – deyə Danilov bildirib.

Xuraman Etibarlı,

KONKRET.az