Dünyanın ən çox içən bölgəsi açıqlandı – Bəs Azərbaycan?backend

Dünyanın ən çox içən bölgəsi açıqlandı - Bəs Azərbaycan?

Ümumdünya Səhiyyə Təşkilatının (ÜST) Avropa üzrə Regional Ofisinin bu yaxınlarda açıqladığı yeni hesabatına görə, dünyada ən çox spirtli içki Avropada istehlak olunur. 2016-cı ildə Avropada 291 100 insan spirtli içkilərin səbəb olduğu xəstəliklərdən dünyasını dəyişib. 20-24 yaşlılar arasında hər 4 ölümdən biri spirtli içkilər səbəbindəndir. Orta hesabla kişilər qadınlardan 4 dəfə daha çox içirlər.

KONKRET.AZ-ın Trend-ə istinadən verdiyi məlumata görə, Azərbaycanın açıqladığı rəsmi statistik məlumatlara əsasən, ötən il ərzində ölkədə narkoman kimi qeydiyyatda olan insanların sayı artsa da, alkoqolizm və alkoqol psixozu diaqnozu ilə qeydiyyatda olanların sayı azalıb.

2018-ci ildə Azərbaycanda 20 401 nəfər alkoqolizm və alkoqol psixozu diaqnozu ilə müalicə-profilaktika müəssisələrində qeydiyyatda olub ki, bu say 2017-ci ildə 21 364 nəfər, 2015-cı ildə 21 777 nəfər olub.

Ötən ilin məlumatına görə, Azərbaycanda əhalinin hər 100 000 nəfərindən 206,9-na alkoqolizm və alkoqol psixozu diaqnozu təyin edilib. Bu say 2005-ci ildə daha yüksək olub. Həmin ildə əhalinin hər 100 000 nəfərindən 230,1 nəfəri (həmin ildə qeydiyyatda olan belə şəxslərin sayı 19 403 olub) alkoqolizm və alkoqol psixozu qoyulmuş şəxs olub.

Ötən il 508 nəfərə ilk dəfə alkoqolizm və alkoqol psixozu diaqnozu qoyulub. Bu say 2017-ci ildə 618 , 2015-ci ildə 619 olub.

Keçən il Azərbaycanda alkoqollu içkilərin pərakəndə ticarət dövriyyəsinn həcmi 361,7 milyon manat olub ki, bu məbləğ 2017-ci ildə 337,4, 2015-ci ildə 306,2 milyon manat olub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*