Abşeron Logistika Mərkəzinin Marketinq və Kommunikasiya Departamentinin direktoru Elşad Namazov vəzifəsindən ayrılıb.
KONKRET.az xəbər verir ki, bu barədə E.Namazov paylaşım edib.
O, mərkəzdə 8 illik fəaliyyətini tamamladığını bildirib.
“8 il çalışdığım Abşeron Logistika Mərkəzində artıq missiyamı tamamladım. Bu, sadəcə bir vidalaşma deyil, həm də 8 illik təcrübənin, inkişafın, dostluqların və dəyərlərin xatirəsidir.
Bu illər ərzində Abşeron Logistika Mərkəzində böyük hədəflərin reallaşdırılmasında, strateji layihələrin həyata keçirilməsində və güclü komandanın formalaşdırılmasında iştirak etmək mənim üçün qürurvericidir”, – deyə qeyd edib.
Qeyd edək ki, Abşeron Logistika Mərkəzi 13 avqust 2018-ci il tarixində fəaliyyətə başlayıb. E. Namazov Abşeron Logistika Mərkəzində 2018-2024-cü illərdə Marketinq və Kommunikasiya şöbəsinin müdiri, 2024-cü ildən etibarən isə Marketinq və Kommunikasiya Departamentinin direktoru vəzifəsində çalışıb.