Ermənilər Xocavənddə mühasirəyə düşdü: Mərkəzi qərargahla əlaqə tamamilə kəsildibackend

Ermənilər Xocavənddə mühasirəyə düşdü: Mərkəzi qərargahla əlaqə tamamilə kəsildi

Qarabağda hərbi əməliyyatları davam etdirən Azərbaycan Ordusu bütün istiqamətlərdə erməniləri dalana sıxışdırıb. 

KONKRET.az xəbər verir ki, bu barədə Türkiyə mediası məlumat yayıb. Dərc olunan xəbərlərə görə, Ermənistan silahlı qüvvələri Qubadlı istiqamətində tam geri çəkilib. Məlumatlara görə, erməni hərbçiləri bir neçə mühüm yüksəklik və möqeləri itirərək, Azərbaycan əsgərinin qarşıdından qaçmağa başlayıb. Düşmənin xeyli sayda itki verdiyi bildirilir.

Başqa bir məlumatda isə qeyd edilir ki, Xocavənd rayonunda da erməni hərbi birləşmələri Azərbaycan Ordusunun zərbələri nəticəsində geri çəkilməyə məcbur olublar. Bildirilir ki, hazırda həmin istiqamətdə vəziyyət ermənilər üçün olduqca vahiməlidir. Qeyd edilir ki, erməni silahlı qüvvələri faktiki olaraq mühasirəyə alınıb. Onların mərkəzi qərargahla əlaqəsi tamamilə kəsilib.

Bu gün səhər saatlarında Azərbaycan Müdafiə Nazirliyi məlumat yayaraq, düşmənin Xocavənddə ciddi itkilər verdiyini, yolların bağlı olması səbəbindən dəstək ala bilmədiyini vurğulsmışdı.

Ermənistan Müdafiə Nazirliyi də bəyan edib ki, Xocavənd şəhəri bu gün səhər saatlarından etibarən Azərbaycan Ordusunun müşahidəsi altına düşüb.

mənbə:Yenisabah.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*