KTMT-dən çıxmaq Ermənistan üçün riskli qərardır və bu risklər diqqətlə ölçülməlidir.
KONKRET.az xəbər verir ki, bu barədə “Azadlıq” radiosunun erməni nəşri hakim “Vətəndaş müqaviləsi” fraksiyasının deputatı Vigen Xaçatryanın sözlərinə istinadla yazıb.
“Biz avantürist deyilik ki, KTMT-dən məmnuniyyətlə çıxaq və hesab edək ki, biz məsələni belə həll edirik. Eyni zamanda, 7-8 yeni məsələ ortaya çıxacaq ki, həll olunmamış qalacaq”, – Xaçatryan bildirib.
Üç gün əvvəl parlamentdə müdafiə və təhlükəsizlik komissiyasının sədrinin kabinetində parlamentdənkənar “KTMT-dən çıxma” təşəbbüsü ilə çıxış edən deputatlarla müzakirə aparılıb. Hakim fraksiyasının fikri nədir, KTMT-dən çıxmaq lazımdırmı sualına Vigen Xaçatryan cavab verib ki, təhlillər davam edir, hələlik qərar yoxdur.
“İş elədir ki, risk etməlisən, risklə doludur, ona görə də bu riskləri mütəxəssislər ölçməlidir. Söhbət təkcə münasibətlərdən getmir, biz xalqımızla aydın və açıq danışmalıyıq, əmin olmalıyıq ki, bizim enerji problemimiz, nəqliyyat problemimiz, eyni ordunun problemləri artacaq, yoxsa azalacaq”, deputat bildirib.
Nəşr yazır ki, KTMT faktiki olaraq İrəvanın hərbi yardım tələbini rədd edib, əvəzində hesabat hazırlamaq üçün Ermənistana missiya göndərib.
“Onlar deyəndə ki, Ermənistan KTMT-dən çıxacaq, ya yox, bu, yanlış sualdır. Sual olunur ki, KTMT Ermənistanı tərk edəcək, ya yox, yoxsa KTMT öz məsuliyyət sahəsini müəyyənləşdirəcək? Əgər kimsə son nəticəyə gəlsə ki, Ermənistanla Azərbaycan arasında sərhəd yoxdur, baxmayaraq ki, belə qənaətə gəlmək üçün heç bir əsas yoxdur, onda biz də KTMT-nin sadəcə mövcud olmadığını güman edəcəyik”, – Paşinyan deyib.
“KTMT-yə üzvlük Ermənistan-Rusiya münasibətləri çərçivəsindədir, digər üzv dövlətlər – Belarus, Qazaxıstan, Tacikistan və Qırğızıstan KTMT-dən çıxmaqla bağlı şantajdan belə narahat deyillər”, – politoloq Beniamin Poqosyan hesab edir.
O vurğulayıb ki, Ermənistan KTMT-dən çıxdığını bəyan etsə, bu, Rusiyaya qarşı bir addım olacaq.
“Bu, Rusiya tərəfindən düşməncəsinə hərəkət kimi qəbul ediləcək. Aydındır ki, Rusiyada onlar düşünəcəklər ki, bu təkcə Ermənistanın ideyası deyil. Aydındır ki, onlar bunu mütləq elə qavrayacaqlar ki, ABŞ və Fransa Ermənistanı Rusiyaya qarşı düşmən addımı atmağa inandırıb, müəyyən fikirlər verib. Üstəlik, Rusiya ABŞ-la, ümumiyyətlə kollektiv Qərblə müharibə vəziyyətində olduğu bir vaxtda baş verir. Bunun mənfi cəhətlər gətirəcəyi aydındır”, -deyə Poqosyan bildirib.
Politoloqun fikrincə, Ermənistan narazılığını bildirməli, KTMT-ni tənqid etməlidir, lakin blokdan çıxmağın nəticələri daha ağır olacaq.
“Hazırda konkret qərarın qəbulu və bizim KTMT-dən çıxdığımızın elan edilməsi, fikrimcə, daha çox mənfi nəticələrə səbəb olacaq. Amma bizim hakimiyyətə vəd oluna biləcək müsbət nəticələri bilmirəm”, – Poqosyan vurğulayıb.
“KTMT-yə üzvlük əl-qolunu bağlayır, lakin hətta bu struktur çərçivəsində güclənmək imkanı var. Biz KTMT-dən çıxan kimi bütün qapılar Ermənistanın üzünə açılmayacaq”, -hökumət sözçüsü Vigen Xaçatryan deyir
“Erməni məsəli var, deyir: eşşəkdə oturmaq bir xəcalət, düşmək iki. İndi yeddi dəfə ölçmək lazımdır, bir dəfə biçmək lazımdır. Mənə elə gəlir ki, ölçmə prosesindəyik”, – deyə deputat vurğulayıb.
Xuraman Etibarlı,
KONKRET.az