Rusiyanın xalq artisti Filipp Kirkorov fevralın 13-də səhər saatlarında Ukraynanın Rusiyanın nəzarəti altında olan Donetsk vilayətinə gedib.

KONKRET.az xəbər verir ki, müğənni Qorlovkaya (2014-cü ildən Donbass separatçılarının nəzarətindədir – red.) gəlib, orada şəhər xəstəxanasının işçiləri və xəstələrlə görüşüb.

Sənətçi humanitar yardım gətirib. Yardım çərçivəsində yaralılara hədiyyələr verilib, uşaq mərkəzi üçün kompüter, printer, kondisioner və digər zəruri avadanlıqlar gətirib və üç əsgərin protezlərinin pulunu ödəyəcəyini vəd edib.

Rəsmiyyə Şərifova,

KONKRET.az