Türkiyəli tarixçi və yazar Nəcib Hablemitoğlunu öldürməkdə şübhəli bilinərək Türkiyəyə gətirilən Nuri Gökhan Bozkır məhkəmənin qərarı həbs edilib.

KONKRET.az xəbər verir ki, N.G. Bozkır “terror qruplaşmasına üzv” və “sui-qəsd təşkilatçılığı” maddələri ilə təqsirli bilinib.

Məlumata görə, Ankara Əmniyyət Müdirliyi Terrorizmlə Mübarizə Şöbəsində hüquqi prosedurların icrasından sonra cinayətkar Ankara Ədliyyə İdarəsinə aparılıb.

Qeyd edək ki, N. Hablemitoğlu 2002-ci ildə evinin qarşısında güllələnmişdi. Türkiyə Prezidenti Rəcəb Tayyib Ərdoğan yazarın FETÖ şəbəkəsi barədə kitab yazdığına görə, öldürüldüyünü bildirmişdi.