“Fransa Ermənistanı daha ciddi silahlarla təchiz etməyə başlayacaq”.

KONKRET.az xəbər verir ki, bunu erməni hərbi ekspert Leonid Nersisyan deyib.

O bildirib ki, bu, iki ölkə arasında imzalanan memorandumda nəzərdə tutulduğu kimi, Fransa Ermənistanın hava hücumundan müdafiə vəziyyətini öyrəndikdən sonra baş verə bilər.

Lakin Nersisyanın qiymətləndirməsinə görə, Fransadan alınan silahların Ermənistanın müdafiə qabiliyyətində strateji dəyişiklik yarada biləcəyini söyləmək hələ tezdir.

“Bastion zirehli maşınları yaxşı alışdır, lakin onların sayı azdır. Radarlara gəlincə, bu, ciddi sistemdir və hətta bir neçə vahid rol oynaya bilər. Təchizatı memorandumda qeyd olunan “Mistral” hava hücumundan müdafiə sistemlərinə gəlincə, onlar təhvil verilsə, Ermənistan ordusunun döyüş effektivliyini artıracaq, lakin strateji dəyişikliklər gətirməyəcək”, – Nersisyan qeyd edib.

O bildirib ki, Hindistan silahlarına gəlincə, bu, strateji əhəmiyyət kəsb edən alışlardır, çünki söhbət 1 milyard dollarlıq paketdən gedir:

“Hindistan mətbuatında dərc olunan məlumatlara əsasən, bu məbləğ praktiki olaraq 2020-ci il üçün artilleriya itkilərini ödəyəcək”, – Nersisyan vurğulayıb.

Günel Mikayılova,

KONKRET.az