İran ABŞ-ın birtərəfli sanksiyaları nəticəsində Malayziyadakı təyyarələrinə yanacaq verilmədiyi üçün bu ölkəyə uçuşları dayandırıb.

KONKRET.az xəbər verir ki, bu barədə İran Hava Yolları Assosiasiyasının katibi Maqsud Əsədi Samani “ILNA”ya açıqlamasında bildirib:

“ABŞ-la əməkdaşlıq edən Malayziya artıq İran Hava Yollarına yanacaq vermir. İran təyyarələri yanacaqla təmin olunmadığı üçün bu gün Malayziyaya son reysini yerinə yetirir”.

Qeyd edək ki, Vaşinqton administrasiyası 2018-ci ildə Birgə Hərtərəfli Fəaliyyət Planı adlanan nüvə sazişindən birtərəfli qaydada çıxıb və mülki aviasiya sektoru da daxil olmaqla, İrana qarşı ağır sanksiyalar tətbiq edib.

İqbal Rzayev,

KONKRET.az