Bir neçə ölkənin xüsusi xidmət orqanları Möhsün Fəxrizadənin ölümündə iştirak etmiş ola bilər.
KONKRET.az xəbər verir ki, bu sözləri iranlı deputat Əbülfəz Amui deyib.
“Sionist rejimin (İsrail nəzərdə tutulur – red.) Fəxrizadəni məhv etmək əməliyyatı ilə yanaşı, prosesin ağırlığını nəzərə alaraq, xarici ölkələrin xüsusi xidmət orqanlarının da burada iştirak etmə ehtimalını dəyərləndirmək lazımdır”, – deyə deputat bildirib.
Qeyd edək ki, İranın nüvə fiziki M.Fəxrizadə Tehran yaxınlığında sui-qəsd nəticəsində öldürülüb.