İrəvanın “Surmalu” ticarət mərkəzində baş verən partlayış nəticəsində ölənlərin sayı 7 nəfərə çatıb.
KONKRET.az xəbər verir ki, bu barədə “Suptnik Ermənistan” hökumətdəki mənbəyə istinadən məlumat yayıb.
Axtarış-xilasetmə işləri başa çatdıqdan sonra bu barədə rəsmi açıqlama veriləcəyi bildirilib.
Qeyd edək ki, avqustun 14-də İrəvanda “Surmalu” ticarət mərkəzində güclü partlayış və yanğın baş verib.
09:00
Ermənistanın paytaxtı İrəvanda “Surmalu” topdansatış ticarət mərkəzində baş vermiş partlayış nəticəsində ölənlərin sayı 6 nəfərə çatıb.
KONKRET.az “Sputnik Armenia”ya istinadən xəbər verir ki, bu barədə ölkənin Fövqəladə Hallar Nazirliyi məlumat yayıb.
***
2022-08-14 – 20:16
İrəvanda “Surmalu” Ticarət Mərkəzində yanğınla müşayiət olunan partlayış nəticəsində xəsarət alanların sayı 57 nəfərə çatıb, 2 nəfər həyatını itirib.
KONKRET.az xəbər verir ki, bu barədə Ermənistan Fövqəladə Hallar Nazirliyi məlumat yayıb.
Dağıntılar altından bir qadının meyiti çıxarılıb. Bundan əvvəl partlayış nəticəsində 40-45 yaşlı bir kişinin öldüyü açıqlanıb.
Eyni zamanda xəsarət alan 57 nəfərdən 36-nın durumunun orta-ağır olduğu bildirilib.
***
2022-08-14 – 17:47
Bu gün yerli vaxtla saat 13.23 radələrində İrəvanda “Surmalu” Ticarət Mərkəzində yanğınla müşayiət olunan partlayış baş verib.
KONKRET.az xəbər verir ki, bu barədə Ermənistan Fövqəladə Hallar Nazirliyi məlumat yayıb.
Partlayış nəticəsində 1 nəfər ölüb, 51 nəfər yaralanıb. Yaralılardan birinin vəziyyəti ağırdır.
2022-08-14 – 15:06
İrəvanda bazarda baş vermiş partlayış nəticəsində 1 nəfər ölüb, 20 nəfər yaralanıb
KONKRET.az xəbər verir ki, bu barədə informasiyanı Fövqəladə Hallar Nazirliyi yayıb.
Qeyd olunur ki, xilasedicilər hadisə şahidləri ilə birlikdə zərərçəkmişləri qəza yerindən çıxarırlar.
2022-08-14 – 14:19
Bu gün yerli vaxtla saat 13.23 radələrində İrəvanda “Surmalu” Ticarət Mərkəzində yanğınla müşayiət olunan partlayış baş verib.
KONKRET.az xəbər verir ki, bu barədə Ermənistan Fövqəladə Hallar Nazirliyi məlumat yayıb.
Hadisə yerinə 8 yanğınsöndürmə briqadası göndərilib.
İlkin məlumata görə, xəsarət alanlar var.