Özbəkistanda karantinə çıxan müəssisələr icarə haqqından azaddırlar. Qaydalar martın 24-dən etibarən şirkətlərin fəaliyyətini bərpa edənə qədər qüvvədədir.

KONKRET.az-in Mərkəzi Asiya ölkələri üzrə bürosu xəbər verir ki, bu barədə Dövlət Aktivlərinin İdarə Edilməsi Agentliyinin (AUGA) Mətbuat xidmətinin rəhbəri Mumin İbodov bildirib. İbodovun sözlərinə görə, qərar ilk növbədə ictimai obyektlərdən istifadə edən turizm, əyləncə, idman, iaşə, tədris mərkəzləri sahələrinə aid olacaq.

Bundan əlavə, koronavirus pandemiyası səbəbindən investisiya öhdəliklərini vaxtında yerinə yetirə bilməyən şirkətlər üçün təşviqlər tətbiq edilib. Bəzi iş adamları üçün investisiyaların verilməsi şərtləri nəzərdən keçiriləcək və digərləri ilə müqavilələr ləğv ediləcək.

Səlahiyyətlilər dövlət əmlakının özəlləşdirilməsi ilə bağlı əməliyyatları vaxtında başa çatdırmamış şirkətlərin ödəmə müddətlərini yenidən nəzərdən keçirəcəklər. Bunun üçün sahibkarlar AUGA və regional anti-böhran komissiyalarına müraciət etməlidirlər.