İsrail İrana hücum etmək üçün ABŞ-dan döyüş təyyarələri istəyib.
KONKRET.az xəbər verir ki, bu barədə Amerikanın nüfuzlu “Breaking Defence” nəşri məlumat yayıb.
İsrail İranın nüvə obyektlərinə zərbə endirmək qabiliyyətini gücləndirmək üçün ABŞ-a 25 müasir F-15-EX döyüş təyyarəsi almaq istəyir.
Qəzetin yazdığına görə, İsrail Müdafiə Nazirliyi ötən həftə ABŞ-a rəsmi sorğu ilə məktub göndərib.
Yəhudi hökumətinin hərbi idarəsi və ABŞ səfirliyi məsələ ilə bağlı şərh verməkdən imtina ediblər.
Bildirilir ki, 2020-ci ildə İsrail həm F-35, həm də F-15 qırıcılarının arsenalını artırmaq qərarına gəlib, lakin siyasi qeyri-sabitlik səbəbindən yalnız F-35 qərarı həyata keçirilib.
Məlumata görə, F15-EX öz sinfində olan digər qırıcılardan daha çox silah daşıyır və hipersəs raketləri buraxa bilir.
Xuraman Etibarlı,
KONKRET.az