“Sadəcə yaşa!” Jirinovskinin oğlu atası haqqında status paylaşıb.

KONKRET.az Rusiya mediasına istinadla xəbər verir ki, Rusiya Federasiyası Dövlət Dumasının keçmiş vitse-spikeri, Jirinovskinin böyük oğlu İqor Lebedev atasının vəziyyəti ilə bağlı ilk dəfə ictimaiyyət qarşısında fikir bildirib. O, Facebook səhifəsində “Sadəcə yaşa!” yazıb.

LDPR isə növbəti bəyanat yayaraq Jirinovskinin vəziyyəti ilə bağlı spekulyasiyaların dərcinə son qoymağa çağırıb və “təxribatları” pislədiyini bildirib.

Partiyanın bəyanatına görə, Jirinovskinin vəziyyəti stabildir, o, partiyaya rəhbərlik etməyə davam edir. Partiya ümid edir ki, o, tezliklə xəstəxanadan qayıdacaq və bütün suallara özü cavab verəcək.

Xuraman Etibarlı,

KONKRET.az