Koçaryan Ermənistanı tərk edib.

KONKRET.az xəbər verir ki, bu barədə onun ofisinin koordinatoru Baqrat Mikoyan erməni mətbuatına bildirib.

Ermənistanın ikinci prezidenti Robert Koçaryan avqustun 29-dək Ermənistandan kənarda olacaq.

Koçaryanın vəkillər komandası növbəti məhkəmə iclasının sentyabrın 20-nə təyin edildiyini nəzərə alaraq icazə almaq üçün məhkəməyə müraciət ediblər.

Mikoyan Koçaryanın səfəri özəl olduğundan dəqiq hara getdiyi açıqlamayıb. Məlumata görə, o, Rusiyaya getməyib.

Xuraman Etibarlı,

KONKRET.az