“Sasna Tsrer” qrupunun üzvü vətənini itirmək problemi ilə üzləşib və 2016-cı ildə PPX alayının binasını ələ keçirmək qərarı düzgün olmuşdu.
KONKRET.az bildirir ki, bu sözləri bu gün məhkəmə iclasında “Sasna Tsrer” qrupunun üzvü Pavel Manukyan deyib:
“Vətənimizi itirmək problemi ilə üzləşmişdik və biz düzgün qəbul etdik. Lazım gələrsə, təkrarlayarıq! Beləliklə, əziz xanımlar, sizin ərlərinizin qatilləri burada deyil”, – deyə Manukyan üzünü zala tutub.
Xatırladaq ki, 2016-cı ilin yayında “Sasna Tsrer” qrupu Yerevanın mərkəzindəki PPX alayının binasını ələ keçirib. Qrupun 31 üzvü alayın binasını iki həftə əlində saxladıqdan sonra iyulun 31-də təslim olub. PPX alayının binasının tutulması və sonrakı hadisələr zamanı 46 nəfər yaralanıb, onlardan 26-sı polis əməkdaşı olub. Üç polis öldürülüb, yeddi nəfər müxtəlif dərəcəli odlu silahdan yaralanıb. Məxməri inqilabdan sonra silahlı qrupun həbs olunan üzvlərinin sərbəst buraxılması prosesi başlayıb.
10 oktyabr 2018-ci il tarixində Yerevanın ümumi yurisdiksiya məhkəməsi 1 milyon dram girov müqabilində həbsdən azad edilmiş Pavel Manukyana qarşı həbs qətimkan tədbirinin dəyişdirilməsinə qərar verib. Polis əməkdaşlarını öldürməkdə ittiham olunan Smbat Barseghyan və Armen Bilyanı hələ də həbsdə qalır.