“Mehriban Əliyevanın bizim üçün yeni bir itki rəmzi yaratdığı gündə, Anna Akobyan sığınacaq və lüks axtarışı üçün Moskvaya getdi. Ararat bütün dünyadakı ermənilər üçün ən vacib simvollardan biridir. Diasporda onlarla, yüzlərlə təşkilat, klub, otel və restoranlara Ararat adı verilir. Yerevanlılar onu uşaqlıqdan bəri hər səhər onların qarşısında görəndə qürurdan ağrıya qədər bütün hisslər palitrası yaşayır. Eynən Şuşa kimi… Mehriban Əliyeva çay içmək və muğam dinləmək üçün Şuşaya gələrək Kazançetsots Katedralinə daxil oldu”.

KONKRET.az xəbər verir ki, bu sətirləri Ermənistanın Vatikandakı keçmiş səfiri Mikael Minasyan telegram kanalında yazıb. O əlavə edib ki, “Bir vaxtlar qürurla Şuşanın mənzərələri fonunda sahibə kimi davranan Anna Akopyan xalqın ağır günündə Moskvaya getdi və “Ararat Park Hyatt” otelində məskunlaşaraq görüntülərini sosial şəbəkələrdə yaydı.

Yəni Mehriban Əliyevanın bizim üçün yeni bir itki simvolu yaratdığı gündə, bunun üçün məsuliyyət daşıyan Anna Akopyan başqa bir itki simvolunda sığınacaq, sülh və lüks axtarır…

Bir çoxumuz bunun necə baş verdiyini hələ də anlamırıq. Buna necə icazə verilə bilər? Dünən bizim dünyəvi həyatımızın bir parçası olan ətimiz və qanımız olan bir şey necə birdən-birə sadəcə bir simvol, ağrı, xatirəyə çevrildi? Şuşadakı əsas məbədin tam adının Müqəddəs Məsihin Xilaskar Katedrali olduğunu çox az adam bilir. Kazançetsotların ikinci adı, ermənilər tərəfindən əbədi olaraq tərk edilmiş və itirilən məbəd. Bu gün türklər orda ayaq döyür. Bizsə bir küncə sıxılaraq baş verənləri sakitcə seyr edirirk”.

KONKRET.az