Dünyaca məşhur basketbolçu Maykl Cordanın idman ayaqqabısı hərracda rekord qiymətə satılıb.

KONKRET.az xarici KİV-ə istinadən xəbər verir ki, əşya 2,2 milyon dollara alınıb.

Sotheby’s hərrac evinin 2-4 milyon dollara satılacağını təxmin etdiyi imzalı ayaqqabılar Cordanın hərracda ən bahalı əşyaları arasında idi.

Qeyd edək ki, Cordanın ayaqqabılarının əvvəlki rekord qiyməti 1,47 milyon dollar olub.

Basketbolçunun 1998-ci ildə NBA finalında geyindiyi forma isə keçən il 10,1 milyon dollara satılıb.

Cəmi 6 NBA çempionluğu, 2 Olimpiya qızıl medalı və çoxsaylı digər mükafatlarla Maykl Cordan bütün zamanların ən güclü idmançılarından biri hesab olunur.

Rəsmiyyə Şərifova,

KONKRET.az