“Tərtərin icra başçısının vətəndaşlarla hörmətsiz, qul kimi davranması barədə illərdir dastanlar gəzir”.
KONKRET.az xəbər verir ki, bu fikirləri tanınmış hüquqşünas Aslan İsmayılov Tərtərin icra başçısı Müstəqim Məmmədovdan və onun əməllərindən bəhs edərkən deyib.
A.İsmayılov, icra hakimi ilə bağlı daha sonra bunları qeyd edib:
“Aprel döyüşlərindən sonra Prezidentin Tərtərdə zərər çəkmiş evlərə ayırdığı milyonlarla pulun başçı tərəfindən yeyilməsindən tutmuş rayonda villasına baxan məktəb pəncərələrinin daşla hörülməsinə qədər. Başa düşmürəm, bu qədər özbaşınalıq edən, Qarabağ müharibələrində əsl qəhrəmanlıq nümunəsi olan Tərtər camaatına bu qədər hörmətsizlik edən birisini kimlər himayə edir və gərəkli qurumlar buna niyə göz yumur?!”
Sosial şəbəkədə yayılan son videodan görünür ki, Tərtərin icra başçısı Müstəqim Məmmədov onu telefonla çəkən vətəndaşa qışqırır və kameranı söndür deyir. Bundan əvvəl də icra başçısı haqqında sosial şəbəkələrdə dəfələrlə şikayətlər edilib. Onun vətəndaşları təhqir etdiyi deyilir.