Rusiyanın İrkutsk vilayətində iki gündür axtarılan yüngülmühərrikli təyyarə nəhayət tapılıb. Mürəkkəb hava şəraitinə baxmayaraq, təyyarəni uğurla endirən pilotlar iki gün boyunca dağlıq ərazidə sağ qalmağı bacarıblar.

KONKRET.az xəbər verir ki, “SHOT” kanalının məlumatına görə, ekipaj üzvləri bir saat əvvəl xilasedicilərlə əlaqə saxlaya biliblər. Pilotlar Bodaybo şəhərindən təxminən 100 kilometr aralıda yerləşən dağlıq ərazidə olduqlarını bildiriblər. İki gün ərzində rabitəsiz və çətin şəraitdə qalan лётçiklər ərazidən məlumat ötürməyə çalışıblar. İlkin məlumatlara görə, onlar əlverişsiz hava şəraitinə baxmayaraq, “Cessna 182” tipli təyyarəni qəza enişinə nail ediblər.

Hazırda xilasedicilərə məxsus helikopter pilotların olduğu əraziyə doğru yola düşüb. Xatırladaq ki, axtarış tədbirlərinə daha əvvəl “An-26” təyyarəsi, “Mi-8” helikopteri və digər bir “Cessna” cəlb edilmişdi. Qəzaya uğrayan bort Bodaybo rayonunun meşələrini yanğın təhlükəsinə qarşı patrul edirmiş və avqustun 3-də Mama qəsəbəsinə eniş etməli imiş.

Natiq Səlim,
KONKRET.az