Tokio-2020 Yay Olimpiya və Paralimpiya Oyunlarının məşəlinin Təşkilat Komitəsinə ötürülmə prosesi martın 19-da bağlı qapılar arxasında baş verəcək.
KONKRET.az “Report”a istinadən xəbər verir ki, Yunanıstan Olimpiya Komitəsi koronavirus epidemiyası ilə əlaqədar azarkeşlər və jurnalistləri prosesi izləməyə buraxmayacaq.
Tokio-2020 olimpiadası 24 iyul – 9 avqustda keçirilməlidir. Epidemiya üzündən bir sıra tədbirlər ləğv olunub və ya təxirə salınıb. Lakin Oyunların təxirə salınacağına dair xəbərlər hələ yoxdur.