Misli Premyer Liqasında IV turun daha bir oyunu keçirilib.

KONKRET.az  xəbər verir ki, “Turan Tovuz” öz meydanında “Sumqayıt” komandasını qəbul edib.

Tovuz şəhər stadionundakı qarşılaşma meydan sahiblərinin qələbəsi ilə yekunlaşıb – 2:1.

Qərb təmsilçisinin heyətində 20-ci dəqiqədə Jo Batista, 60-cı dəqiqədə Jorje Silva fərqləniblər. Qonaqların qolunu 9-cu dəqiqədə Ronaldo Vaskes vurub.

Bu turdan sonra xallarının sayını 7-yə çatdıran “Turan Tovuz” 4-cü pilləyə yüksəlib. “Kimyaçılar” sıfır xalla sonuncu – 12-ci sırada qalıblar.

Qeyd edək ki, günün ikinci görüşündə “Qarabağ” “Araz-Naxçıvan”la üz-üzə gələcək.

Xatırladaq ki, turun əvvəlki matçlarında “Qəbələ” “İmişli”ni (2:1), “Şamaxı” “Kəpəz”i (4:1), “Sabah” “Zirə”ni (5:0), “Neftçi” “Şəfa”nı (4:1) məğlub edib.\\Oxu.Az