Ramin Namiq oğlu Quluzadə Azərbaycan Respublikası Prezidentinin İşlər müdiri təyin edilib.

KONKRET.az xəbər verir ki, bununla bağlı Prezident İlham Əliyev sərəncam imzalayıb.

Qeyd edək ki, R.Quluzadə bundan əvvəl Azərbaycan Respublikasının nəqliyyat, rabitə və yüksək texnologiyalar naziri vəzifəsində çalışıb. O, bu gün dövlət başçısının sərəncamı ilə nəqliyyat, rabitə və yüksək texnologiyalar naziri vəzifəsindən azad edilib.

***

14:27
Xəbər verdiyimiz kimi, Prezident İlham Əliyevin Sərəncamı ilə Ramin Quluzadə nəqliyyat, rabitə və yüksək texnologiyalar naziri vəzifəsindən azad edilib.

KONKRET.az unikal.org-a istinadən xəbər verir ki, R.Quluzadə Prezident Administrasiyasının İşlər müdiri təyin olunub.

Qeyd edək ki, bu təyinata qədər Prezidentin İşlər müdiri Energetika naziri Pərviz Şahbazovun atası Oqtay Şahbazov idi.