Qalmaqal davam edir: ORSİS Ermənistan Müdafiə Nazirinin açıqlamasını şərh etdibackend

Qalmaqal davam edir: ORSİS Ermənistan Müdafiə Nazirinin açıqlamasını şərh etdi

Şirkətin rəsmi nümayəndəsi bildirib ki, Ermənistan Silahlı Qüvvələrinin pozulmuş tenderində iştirak edən ORSİS-in hərbi məhsulları bir neçə dəfə erməni qoşunları tərəfindən uğurla sınaqdan keçirilmiş və yerli mütəxəssislərin rəğbətini qazanmışdı.

KONKRET.az xəbər verir ki, bir müddət əvvəl, Ermənistanın müdafiə naziri David Tonoyan jurnalistlərə bildirmişdi ki, Rusiyanın ORSİS şirkəti (Promtexnologiya qrupunun bir hissəsi) ilə əlaqəli bir işdə cinayət hadisəsi törədilib və bunun təfərrüatları istintaq tərəfindən dəqiqləşdirilməlidir. Eyni zamanda, o, “şirkətin hərbi silah-sursat əvəzinə ov silah-sursatı tədarükünə çalışdığı” mövzusunda ekspert rəyinin olub-olmadığı sualını müsbət cavablandırıb.

“Məhsulların təyinatına dair fərziyyə tamamilə əsassızdır. Bu cür məsələlər bilikləri ortaya qoyan mütəxəssislərə müraciət etməklə yox, texniki şərtləri yoxlamaqla və tələbata cavab verməklə həll olunur. Qeyd etməliyik ki, şirkətimizin təklif etdiyi məhsullar dəfələrlə Ermənistanda uğurla sınaqdan keçirilmişdir. Son sınaqlar 2018-ci ilin dekabr ayında keçirilib, yenə də məhsullarımız yüksək rəy almışdılar”, – deyə ORSİS-in nümayəndəsi nazirə etiraz edib.

Şirkətdə qeyd ediblər ki, Tonoyanın qeyd etdiyi “cinayət əməli” ORSİS-i təmsil edən bir vəkilin Ermənistan İstintaq Komitəsinə müraciəti əsasında ortaya çıxıb: “Bütün bu oyun əsassız olaraq bir bank zəmanətini ödəməyimizi tələb etdiklərinə imtinamızdan sonra başlayıb. Ermənistan Müdafiə Nazirliyi hadisənin şərtlərini aydınlaşdırmaq üçün görüş tələbimizi isə nəzərə almır”.

Xatırladaq ki, 2019-cu ilin avqust ayında ORSİS-dən bildirmişdilər ki, Ermənistan Müdafiə Nazirliyinin bir neçə milyon dollar dəyərində silah tədarükü üçün etdiyi tenderin nəticəsiz qalmasından sonra Ermənistan Cinayət Məcəlləsinin 376-cı maddəsi ilə (“xidmətə etinasızlıq”) cinayət işi açılıb.

Sonradan bu məlumat rəsmən Ermənistan hərbi idarəsində təsdiqlənmişdi. Hazırda bu iş Ermənistan İstintaq Komitəsinin xüsusilə vacib işlərinin araşdırılması üçün əsas hərbi istintaq idarəsi tərəfindən aparılır.

Bir cavab yazın