Qarabağdakı Rusiya sülhməramlı qüvvələrinin yeni komandanı yenidən dəyişdirilib.
KONKRET.az-ın məlumatına görə, Rusiya sülhməramlılarına yaxın dairələrə istinadən yayılan xəbərdə bir müddət öncə bu vəzifəyə gətirilən Mixail Kosobokovun general-leytenant Gennadi Anaşkinlə əvəz ediləcəyi bildirilir.
Anaşkinin yüksək təcrübəli hərbçi, Rusiya Milli Qəhrəmanı olduğu qeyd olunur.
Anaşkin keçmiş Yuqoslaviyada xidmət edib. Birinci və ikinci Rusiya-Çeçenistan müharibələrində iştirak edib, Anaşkinin komandanlığı altında olan qrup 2008-ci ildə Cənubi Osetiyada hərbi əməliyyatlarda iştirak edib.
Xuraman Etibarlı
KONKRET.az
