Qazaxıstan hökuməti koronavirusa qarşı tibbi maskalar və digər qoruyucu vasitələrin alınması üçün ehtiyatdan 1,5 milyard təngə (3,9 milyon dollar) ayırıb.
KONKRET.az-ın Mərkəzi Asiya ölkələri üzrə bürosu xəbər verir ki, ölkənin baş sanitar həkimi Jandarbek Bekşin Qazaxıstanın təcili olaraq 3,8 milyon tibbi maska satın aldığını bildirib.
Ağır xəstələrin daşınması üçün əlavə olaraq xüsusi avadanlıqlar alınıb. Qazaxıstan xəstəxanalarında demək olar ki, 5 min çarpayı yerləşdirilib.
Səhiyyə naziri Yeljan Birtanovun sözlərinə görə, respublikada 54 nəfər koronavirus şübhəsi ilə xəstəxanaya yerləşdirilib. Bunlardan 16-sı təsdiqlənməyib. Qalan 38 nəfər isə maksimum sanitar nəzarət şəraitində yoluxucu xəstəliklər xəstəxanalarında müalicə olunurlar.