Almatıdakı Antikorrupsiya Xidməti Qazaxıstan Ali Məhkəməsinin daxili təhlükəsizlik və korrupsiyanın qarşısının alınması şöbəsi ilə birlikdə rüşvət almaqda şübhəli bilinən Almatının Bostandık Rayon Məhkəməsinin sədrini ifşa edib.

KONKRET.az-ın Mərkəzi Asiya ölkələri üzrə bürosu xəbər verir ki, məhkəmə katibinin vasitəçiliyi ilə borclu vətəndaşdan alınan rüşvət məhkəmə sədrinə verilib. Rüşvəti almaqda məqsəd borclunun Qazaxıstanı tərk etməsinə rəsmi icazənin verilməsi olub. .

Şübhəli şəxsin günahkarlıq dərəcəsinə dair son qərarı məhkəmə verəcək.