Qazaxıstanın yeni hökumətinə prezident administrasiyasının keçmiş rəhbəri Oljas Bektenov başçılıq edəcək.

KONKRET.az xəbər verir ki, bu barədə Akorda məlumat yayıb. Bu gün hakim Amanat partiyası onun namizədliyini prezident Kasım-Jomart Tokayevə təqdim edib.

Dövlət başçısı Bektenovun namizədliyini parlamentin digər partiya fraksiyaları ilə müzakirə edib. Plenar iclasdan sonra Prezident bununla bağlı sərəncam imzalayıb.

Bektenovun namizədliyinin lehinə 69 deputat səs verib, 7 deputat bitərəf qalıb.