Rusiya Tacikistan və Qırğızıstandakı bazalarının döyüş hazırlığını artırır.

KONKRET.az “Kommersant”a istinadən xəbər verir ki, bu barədə Rusiyanın müdafiə naziri Sergey Şoyqu Şanxay Əməkdaşlıq Təşkilatına üzv ölkələrin hərbi rəhbərlərinin görüşündə bildirib.

O qeyd edib ki, Əfqanıstanda terror təşkilatları fəallaşır. Buna görə də, Mərkəzi Asiyada vəziyyət ciddi təhlükəsizlik problemi olaraq qalır.

“Sosial-iqtisadi vəziyyət pisləşir, dini radikalizm ideologiyası aşılanır, narkotiklərin qanunsuz dövriyyəsi və transsərhəd cinayətkarlıq çoxalır”, – rusiyalı nazir deyib.

Qeyd edək ki, Qırğızıstanda Rusiyanın birgə hərbi bazası yerləşir. Bura Kant aviabazası və Rusiya Hərbi Dəniz Qüvvələrinin bazası daxildir.

Tacikistanda isə Rusiyanın 201-ci hərbi bazası yerləşir.

Məlumata görə, “Taliban” hakimiyyətə gəldikdən sonra Əfqanıstandan Mərkəzi Asiyaya narkotik vasitələrin daşınması artıb. 2022-ci ilin birinci rübündə Tacikistanda 14,5 dəfə çox əfqan narkotiki ələ keçirilib.

İqbal Rzayev,

KONKRET.az