Qırğızıstan və Tacikistanın hökumət nümayəndələri dövlət sərhədinin delimitasiya və demarkasiyası ilə bağlı növbəti görüş keçiriblər. 

KONKRET.az xəbər verir ki, bu barədə Qırğızıstan Nazirlər Kabinetinin mətbuat xidməti məlumat yayıb:

“Razılığa əsasən, 2024-cü il yanvarın 30-dan fevralın 5-dək Qırğızıstan Respublikasının Batken şəhərində Tacikistan və Qırğızıstanın nümayəndə heyətlərinin növbəti iclası keçirilib. İşçi qrupları Qırğızıstan-Tacikistan dövlət sərhədlərinin delimitasiyası və demarkasiyasını müzakirə ediblər”.

Yeri gəlmişkən Qırğızıstanla Tacikistan arasındakı dövlət sərhədinin uzunluğu 970 km-dən bir qədər çoxdur. Onun delimitasiyası üzrə danışıqlar 2002-ci ilin dekabrından davam edir. Hazırda sərhəd xəttinin təxminən 90%-i dövlətlər tərəfindən müəyyən edilsə də, qalan hissələr mübahisəli hesab olunur.

Vəli Həsənov,

KONKRET.az