Rusiyanın Sənaye və Ticarət Nazirliyi məmurların prioritet istifadəsi üçün nəzərdə tutulan avtomobillərin siyahısını hazırlayıb.

KONKRET.az xəbər verir ki, buraya Rusiya və Çin markaları – Lada, Moskvich, Aurus, Evolute, UAZ və Haval daxildir.

Bu günə kimi Sənaye və Ticarət Nazirliyi minik avtomobillərinin aşağıdakı modellərinin alınmasını tövsiyə edib:

Lada (modellər: Vesta, Vesta SW Cross, Granta, Niva Travel, Niva Legend);

“UAZ” (modellər: “Patriot”, “Pickup”, “Profi”, “Hunter”, SGR);

Aurus (modellər: Senat, Komendant);

“Moskviç” (modellər: 3, 3e, 6);

Evolute (modellər: I-Pro, I-Joy, I-Sky);

Haval (modellər: Jolion, Dargo, F7/F7x, H9).

Nazirlik bildirib ki, siyahıya Rusiyada xüsusi investisiya müqavilələri əsasında istehsal olunan Rusiya VIN nömrəli avtomobillər daxildir.

Qeyd edək ki, sentyabrın əvvəlində prezident Vladimir Putin hökumətə 2024-cü ilin fevralına qədər məmurların yerli avtomobillərin sükanı arxasına keçməsi üçün tədbirlər hazırlamağı tapşırıb.

Ariz Həsənoğlu,

KONKRET.az