Rusiya baş nazirinin müavini Yuri Borisov Azərbaycanın Kollketiv Təhlükəsizlik Müqaviləsi Təşkilatına (KTMT) üzv olmasına pis baxmadıqlarını bildirib.

Konkret.az Modern.az – a istinadən xəbər verir ki, o bu barədə Yerevanda olarkən deyib.

“Bu tək Azərbaycana aid deyil. KTMT bütün keçmiş sovet respublikaları ilə əməkdaşlığa hazırdır. Hamımız nə vaxtsa, bir ailə olmuşuq.

Ortaq cəhətlərimiz çoxdur. KTMT bütün ölkələrlə, ö cümlədən, Azərbaycanla düşünülmüş xarici siyasət yürüdür”-deyə Borisov deyib.

Bunun yanaşı, Yuri Borisov yeni üzvlərin kollektiv qərar əsasında verildiyini xatırladıb. O, KTMT-a üzv ölkələr arasında dövlətlərarası hərbi-iqtisadi əməkdaşlıq üzrə komissiyanın XVII iclasında qatılmaq üçün Yerevana gəlib.

Rusiyalı hökumət rəsmisinin açıqlaması Yerevanda ciddi narazılıq doğurub. Kollektiv Təhlükəsizlik Müqaviləsi Təşkilatına Rusiya, Ermənistan, Belarus, Qazaxıstan, Tacikistan və Qırğızıstan daxildir.