Rusiya qoşunları Ukraynanın Mariupol şəhərində yerli hərbçilərə və mülki şəxslərə qarşı kimyəvi silahdan istifadə edib.

KONKRET.az xəbər verir ki, bu barədə Ukraynanın “Azov” alayı məlumat yayıb.

Bildirilib ki, ruslar pilotsuz uçuş aparatları (PUA) vasitəsilə şəhərə zəhərli maddələr atıb. Məlumata görə, zərərçəkənlərdə tənəffüs çatışmazlığı, beyin qan dövranının pozulması halları və digər əlamətlər müşahidə edilir.

“İşğalçı qüvvələr Mariupol şəhərində ukraynalı hərbçilərə və dinc sakinlərə qarşı mənşəyi bilinməyən zəhərli maddədən istifadə edib”, – məlumatda qeyd olunub.