Şahin Diniyev “Kəpəz”ə 0:1 hesabı ilə məğlub olduqdan sonra “Səbail” klubu ilə yollarını ayırdığını rəsmi olaraq açıqlayıb.

KONKRET.az xəbər verir ki, bu barədə Oxu.Az-a açıqlama verən Şahin Diniyev bildirib ki, şəxsi istəyi ilə klubdan ayrılıb.

“Qərar şəxsi istəyimdir. Belə olmalı idi, oldu. Bu barədə əlavə nəsə danışmağa ehtiyac yoxdur. “Səbail” klubuna mövsümün geri qalanında uğurlar arzu edirəm”, – deyə Ş.Diniyev bildirib.

Qeyd edək ki, Şahin Diniyev 2022-ci ilin dekabr ayından “Səbail” klubunun baş məşqçisi vəzifəsində çalışdırdı.