Şəhid ailəsi və Qarabağ əlillərinə ev verildi – FOTOLARbackend

Şəhid ailəsi və Qarabağ əlillərinə ev verildi - FOTOLAR

Əmək və Əhalinin Sosial Müdafiəsi Nazirliyi (ƏƏSMN) tərəfindən Ağstafa rayonunda inşa etdirilmiş 16 fərdi yaşayış evi şəhid ailələrinə və Qarabağ müharibəsi əlillərinə təqdim edilib.

ƏƏSMN-dən KONKRET.az-a verilən məlumata görə, tədbirdə nazirliyin tabeliyindəki Sosial Xidmətlər Agentliyinin və Ağstafa Rayon İcra Hakimiyyətinin nümayəndələri iştirak edib.

Bildirilib ki, Prezident İlham Əliyevin sosial siyasətinin əsaslarından biri də həssas əhali qruplarına xüsusi qayğının ilbəil artırılmasıdır. Sosial müdafiə proqramlarından biri də şəhid ailələrinin və Qarabağ müharibəsi əlillərinin mənzillə təminatıdır. Bu proqram ildən-ilə genişləndirilir. Dövlət başçısının tapşırığına əsasən, bu il şəhid ailələrinə və müharibə əlillərinə rekord sayda – azı 1500 mənzil və fərdi ev veriləcək. Bu gün Ağstafa rayonunda təqdim edilən fərdi evlər də daxil olmaqla, onlardan artıq 584 mənzil və fərdi ev (o cümlədən 554 mənzil, 30 fərdi ev) verilib. Qalan mənzillər və fərdi evlər də ilin sonunadək veriləcək.

Qeyd olunub ki, ümumilikdə ötən dövrdə şəhid ailələrinə və ölkəmizin ərazi bütövlüyü, müstəqilliyi və konstitusiya quruluşunun müdafiəsi ilə əlaqədar əlilliyi olan şəxslərə 8172 mənzil və fərdi ev təqdim edilib. Həmçinin Nazirlik tərəfindən müharibə əlilləri və onlara bərabər tutulan şəxslər indiyədək 6900 minik avtomobili ilə təmin olunub.

Yeni fərdi yaşayış evi ilə təmin edilən şəhid ailələrinin üzvləri və Qarabağ müharibəsi əlilləri onların rifahına göstərilən yüksək qayğıya, bu gün isə yeni fərdi yaşayış evləri ilə təmin olunduqlarına görə Prezident İlham Əliyevə minnətdarlıqlarını ifadə ediblər.

  • Solmaz
    Sentyabr 10, 2020 - 16:18

    Sonradan ölən Qarabağ veteran ailəsiyəm .Mənzil növbəsindəyəm 4 ildir ,növbədə 1271-dən 1270-ə düşmüşəm. MƏNƏ NİYƏ EV VERİLMİR.Nəsimi icra başçısı bu 4 ildə mənim yaşayış şəraitimlə niyə tanış olmur.Özü də Prezident sərancamı ilə mənzil növbəsindəyəm. Mən və qızım müəllimdir.O ,biri qızım tələbədir. Müəllim qızımı qaynanası bir uşaqla evdən qovub,mənim yanıma sığınıb.Belə məmurlara görə mən evi o,biri dünyadan3000-ci ildə alacağam.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*