Fransa hökuməti yanacaq bazarında yaranan gərginliyi aradan qaldırmaq və qiymət artımının qarşısını almaq üçün təcili addım atır.
KONKRET.az xəbər verir ki, ölkə fövqəladə və çətin günlər üçün saxladığı strateji ehtiyatlardan 10 milyon barrel dizel yanacağını daxili bazara çıxarmaq qərarına gəlib.
Sözügedən qərar qlobal enerji bazarındakı dalğalanmalar və tədarük zəncirində yaşanan aksamalar fonunda verilib. Fransanın energetika sektorundakı mənbələrin bildirdiyinə görə, ehtiyatların bazara vurulması həm yanacaqdoldurma Məntəqələrindəki qıtlıq riskini neytrallaşdırmağa, həm də dizel qiymətlərini sabitləşdirməyə hesablanıb.