Qarabağda erməni separatçılarının lideri Arayik Arutyunyan bu günlərdə Moskvada işgüzar səfərdə olub.

KONKRET.az-ın İnfoPort.am-a istinadla məlumatına görə, Arutyunyan Moskvada müxtəlif “rus rəsmiləri” ilə görüşüb.

“Görüşlər zamanı müdafiə, humanitar və digər sahələr üzrə məsələlər müzakirə olunub. Hər iki tərəf görüşün nəticələrindən razı qaldı”, – deyə mənbə qeyd edib.

Görünən odur ki, Qarabağ separatçıları və onların havadarları açıq-aşkar Moskvada dəstək qazanmağa çalışırlar.

Onların nə barədə “razılaşdıqları” məlum deyil. Amma Arayik Arutyunyan Moskvaya səfəri ilə Rusiya diplomatiyasını ciddi zərbə altında qoyur. Xüsusən də Qarabağdakı sülhməramlıların fəaliyyəti ilə bağlı narazılıq getdikcə artdığı bir vaxtda separatçıbaşının “rəsmi” səfəri suallar doğurur.

Xuraman Etibarlı,

KONKRET.az