Cənubi Koreya və ABŞ Şimali Koreyanın sınaqlarına qarşı Yapon dənizi (Şərq dənizi) istiqamətinə 8 ballistik raket atıb.

KONKRET.az xarici mediaya istinadən xəbər verir ki, iki ölkənin hərbi birləşmələri yerli vaxtla saat 04:45 radələrində 8 yer-yer tipli ballistik raket sınağı həyata keçirib.

Cənubi Koreya prezidenti Yoon Suk-yeol Şimali Koreyanın təxribatlarına qətiyyətlə cavab verəcəklərini bildirib.

Xatırladaq ki, Şimali Koreya dünən Pxenyan yaxınlığındakı Sunan da daxil olmaqla bir neçə məntəqədən 8 qısa mənzilli ballistik raket sınağı keçirib.

İqbal Rzayev,

KONKRET.az