Prezident İlham Əliyevin müsahibəsindən saatlar sonra – dünən axşam saat 22:14 radələrində Qarabağdakı erməni terrorçular Şuşa ətrafında təxribat törətdi: bu, Bakının erməni terrorçuların bölgədən çıxarılması, çıxarılmayacağı təqdirdə antiterror tədbirlərinə əl atacağı mövqeyini bir daha gücləndirir.

Müdafiə Nazirliyinin təxribatla bağlı rəsmi məlumatında iki məqam diqqət çəkir:

Birincisi, terrorçuların mülki avtomobildə olmasıdır və Bakı bununla bəyan edir:

– erməni silahlıları mülki avtomobillərdə və geyimlərdə fəaliyyət göstərir: bu, Laçın dəhlizindən keçərək, bölgəyə gələn mülki avtomobillərin yoxlanılmasını da aktuallaşdırır;

– terrorçulara qarşı adekvat tədbirlər zamanı mülki avtomobillər də hədəf ola bilər: sonuncu təxribat faktı bunu zəruri edir və məsuliyyət rus sülhməramlılarınındır;

İkincisi, təxribatla bağlı Rusiya sülhməramlılarının komandanlığına məlumat verilməsidir:

– Rusiyanın qarşısında erməni terrorçularının çıxarılması yenidən qaldırılır;

– Əliyevin mesajlarından sonra təxribatın baş verməsi və təxribatla bağlı rus sülhməramlılarının komandanlığının məlumatlandırılması o deməkdir ki, Bakı Rusiyadan bölgədəki missiyasına adekvat fəaliyyət göstərməsini hələ də gözləyir;

– bu, həm də sonuncu xəbərdarlıq hesab oluna bilər: Bakı məlumatlandırma işini həyata keçirdi, adekvat addım olmasa, cavab tədbirləri görüləcək;

Asif Nərimanlı