General-leytenant Andrey Bulıqa Rusiya Federasiyası müdafiə nazirinin maddi-texniki təminat üzrə məsul müavini təyin edilib.

KONKRET.az xəbər verir ki, bu barədə Rusiya MN məlumat yayıb.

“Prezidentin fərmanı ilə general-leytenant Andrey Bulıqa Rusiya Federasiyası Müdafiə nazirinin Rusiya Federasiyası Silahlı Qüvvələrinin maddi-texniki təchizatına cavabdeh müavini təyin edilib”, – deyə məlumatda bildirilir.

Müdafiə Nazirliyi qeyd edib ki, Bulıqa əvvəllər Qərb Hərbi Dairəsinin komandirinin maddi-texniki təminat üzrə müavini vəzifəsində çalışıb.