Türkiyə nümayəndə heyəti ABŞ-dan F-16 qırıcılarının alınması ilə bağlı danışıqlar aparmaq üçün ABŞ-a gedib.

KONKRET.az “Anadolu”ya istinadən xəbər verir ki, bu barədə Türkiyə Milli Müdafiə Nazirliyi məlumat yayıb.

“Türkiyə Müdafiə Nazirliyinin texniki heyəti ABŞ-ın dəvəti ilə F-16-ların modernləşdirilməsi və alınması prosesini tez bir zamanda həyata keçirmək üçün bu ölkəyə gedib”, – məlumatda deyilir.

Bu ilin əvvəlində ABŞ və Türkiyə rəsmiləri bu mövzuda bir sıra məsləhətləşmələr aparıb.

Milli Müdafiə Nazirliyi  xatırladıb ki, F-16-ların ABŞ-dan alınması və modernləşdirilməsi çərçivəsində Türkiyədə 3 görüş keçirilib.

Qeyd edək ki, ötən ilin payızında Türkiyə prezidenti Rəcəb Tayyib Ərdoğan bəyan etmişdi ki, Vaşinqton bir neçə il əvvəl Ankaranın kənarlaşdırıldığı F-35 proqramı müqabilində Türkiyəyə F-16 qırıcıları verməyi təklif edib.

1️⃣ ABD’den F-16 tedariki ve modernizasyonu kapsamında; Aralık-2021, Şubat, Mart-2022 aylarında olmak üzere Türkiye’de üç toplantı icra edilmiştir.

— T.C. Millî Savunma Bakanlığı (@tcsavunma) August 15, 2022

İqbal Rzayev,

KONKRET.az