Türkiyə və Azərbaycan Silahlı Qüvvələri 1-12 fevral tarixlərini əhatə edəcək birgə hərbi təlimlərə başlayır.

KONKRET.az bu barədə Türkiyə mətbuatına istinadən xəbər verir.

Məlumata görə, Türkiyənin Qars vilayətində keçiriləcək təlimlərin məqsədi birgə əməliyyatlar zamanı qoşunların fəaliyyətlərinin koordinasiyasını təmin etmək, həmçinin yeni silah və nəqliyyat vasitələrini sınamaqdır.

Təlimlərdə tank birləşmələri, artilleriya bölmələri, snayper dəstələri, xüsusi təyinatlılar və aviasiya iştirak edəcək.