Ukrayna Prezidenti Volodimir Zelenskinin xanımı Yelena Zelenskaya İstanbulda Türkiyə Prezident Rəcəb Tayyib Ərdoğanın xanımı Əminə Ərdoğanla görüşüb.

KONKRET.az xəbər verir ki, bu barədə xanım Ərdoğan özünün “Twitter” səhifəsində məlumat verib.

O, paylaşımında Zelenskayanı İstanbulda qəbul etməkdən xoşbəxt olduğunu bildirib.

“İnanıram ki, müharibə qurbanı olan qadınlar və uşaqlar başda olmaqla, Ukrayna xalqının yaralarını birlikdə sara biləcəyik”, – deyə Əminə Ərdoğan qeyd edib.